何俊仁漏報死撑「太忙」

何俊仁昨日出席民主黨記者會後回應本報報道，指東方花園單位由他父親早年購入，他與兄弟姐妹自小一直居於該處，長大後才各自搬出，其妹何麗華則一直與父母同住；父親九七年離世後，單位由母親承繼，後來母親身體欠佳，才轉由他與胞弟何俊麒及何麗華持有，「母親吩咐一定要畀妹妹住，到妹妹唔住，先可以六兄弟姐妹（處理），有家庭協議書」。

「周身唔得閒唔記得」

對於他日前回答本報記者查詢時，聲稱自己已在物業除名及轉給弟妹持有，何俊仁昨日改稱「（物業）九九年轉名係代何家管祖屋，唔能夠話完全冇權益」、「嚴格來講我係漏報」。他又指單位沒有收租，水電費亦由妹妹繳交，因此無記清楚自己是否還有名：「我代管嘅嘢太多啦，我周身唔得閒都唔記得。」

對於本報亦揭發與何俊仁關係密切的中國維權律師關注組，曾於○七至一○年先後租用何俊仁的律師樓辦公室及太太物業作為辦事處。何俊仁稱關注組租用律師樓物業只屬很短時間，記憶中並沒收租，「我一年都捐唔少錢畀佢哋啦！」至於關注組租用其妻名下物業，他聲稱租金是低於市價，不覺得有甚麼問題。

拖延交文件 毫無悔意

至於曾有委託何俊仁打官司的市民，投訴向律師樓索取案件資料時，拖足兩年仍未能提供，律師會更因而發信「遺憾」何俊仁。何俊仁昨表現得毫無悔意，反指投訴人曾多次向律師樓索取文件，「佢攞咗幾次，有時唔係攞晒，又要搵人陪佢睇。」加上部分文件已存倉，所以「搞耐咗」。

城大專業進修學院學術統籌宋立功表示，何俊仁身為立會議員及民主黨主席，理應對名下資產及立會申報要求有充分理解，沒理由接連漏報，揭之不盡。何俊仁是今屆立法會超級區議會選舉候選人，其對手有工聯會陳婉嫻、民建聯劉江華、李慧琼、民主黨涂謹申、民協馮檢基和獨立白韻琹。