距離九月九日立法會選舉日剩番一個星期，不過好多選民對於「一人兩票」嘅選舉安排依然一頭霧水，選舉管理委員會主席馮驊就矢口否認，仲話宣傳已經「好足夠o架喇噃！」事關選民已經好清楚投票日子喎！唔知市民見到馮官拎住一張特大身份證、一張特大選票、同一個特大印章宣傳「一人兩票」投票程序嘅時候，又有無增加對「一人兩票」嘅認識呢？
