民主黨黃成智前排嘅「剩女論」得失咗唔少女性選民，而佢對同性戀嘅立場亦辣慶唔少同志選民，仲畀一個同志組織調查評定為「恐同候選人」添，認真火頭處處。
同志公民喺上個月訪問咗超過三百人，近八成受訪同志話，對公開反對同志政策嘅候選人感到不滿。同志公民相信，佢哋嘅同志票源將會成為關鍵票數，而喺佢哋嘅調查中，仲發現有四成受訪者認為黃成智係一個「恐同候選人」，位列榜首。同志公民話，其實民主黨多次表示支持反性傾向歧視，不過黃成智就好似唔係太跟大隊，所以已經成為民主黨嘅「負資產」，而得失嘅亦已經唔只係同志選民，仲有好多支持平等嘅傳統泛民支持者。
新界東嘅候選名單仲有工黨張超雄、自由黨田北俊、工聯會葉偉明、人民力量陳志全、民主黨劉慧卿、蔡耀昌、新民主同盟范國威、公民黨湯家驊、民建聯陳克勤、葛珮帆、社民連梁國雄、公民力量龐愛蘭、經濟動力邱榮光、獨立何民傑、梁安琪、方國珊、陳國強、龐一鳴。