「醫生放咗工」中風婦等到死
「媽媽入院初時手腳仲識郁，但一直無腦科醫生醫佢，拖到第二朝就話救唔番！」七十七歲老婦陳秀珍七月廿六日中風，被送往大埔那打素醫院，家屬指院方未立即安排腦科醫生治療，並推搪「腦科醫生返朝九晚五，放咗工」。相隔十六小時，翌日腦科醫生出現時即宣布陳難治愈，陳延至七月三十日離世，家人怒斥院方搶救不力。
家屬斥院方錯過在黃金三小時內為陳靜脈注射溶栓打通血管，又不滿醫護人員與院方互相推卸責任，要求院方道歉、賠償及處罰失職人員。
陳秀珍女兒梁燕貞憶述，母親當日下午於家中突然中風送院，「急症室同媽媽做咗腦掃描後上內科病房，話會有腦科醫生嚟。當時媽媽手腳仲識郁，叫佢都有反應。但之後嚟嘅醫生唔係腦科，仲話腦科醫生返朝九晚五，已經放咗工，call唔到佢。」家屬要求院方為陳注射靜脈溶栓治療，打通血管，院方以病人情況嚴重為由拒絕，僅處方亞士匹靈。翌晨九時許，腦科醫生才到病房，並稱陳的半邊腦已因出血栓塞，「無乜可以做」。
梁燕貞質疑院方延誤治療才令母親枉死，「媽媽入院十六個鐘後，腦科醫生先出現。淨係一味話觀察、一味拖，通血管嘅溶栓藥又唔用。媽媽身體健康，可以搭飛機，如果腦科醫生早啲嚟，佢可能唔使死！唔通放咗工，病人就唔使救？真係冇醫德！」
醫生稱未收到召喚
家屬曾質問腦科醫生為何當日「放咗工」，腦科醫生指自己當時在醫院開會，並無放工，但無收到院方召喚。梁批評醫護人員與院方互相卸責。
大埔那打素醫院回應指，病人本身患糖尿病、高血壓等疾病，送院後被診斷患上缺血性中風，當日由內科及深切治療部專科醫生診斷，翌早九時由腦科醫生評估情況。陳入院當日腦科醫生是否「放咗工」未及時診治，院方未有回應，僅強調內科部醫生具高級內科學專業資格，有能力診治中風問題，治療過程並無延誤。院方指個案已交死因裁判官跟進，並向死者家人致深切慰問。
記者何盷諺