政情：大舞台：決心穩定樓市陳家強寸貪曾

特首梁振英日前公布十招穩定樓市措施，包括將「貪曾」曾蔭權前政府制訂嘅置安心計劃推倒重來，各界都認同「梁十招」方向正確，唯獨擔心力度仍然不足同難於短期見效。財經事務及庫務局局長陳家強尋日喺電視台節目上表示，政府最重要係畀市民清楚訊息，政府係有信心同決心解決樓市問題，強調未來幾年香港嘅一手樓單位供應，已經比過往大增接近一倍，擺明暗寸貪曾政府無決心穩定樓市。