KK回覆，話好多謝該組織幫佢拉票，佢哋的確合作過，選舉前亦有尋求對方支持。對於網上有人話呢個組織會用「分數」吸引會員支持建制派候選人，KK就強調自己一無所知，亦唔去揣測件事係真定假。李慧琼亦都話，對於有關組織所做嘅一切全不知情，但就多謝佢哋嘅支持。
其實發貼人亦冇話呢個組織上門拉票時，曾經講過投票可以賺取「分數」，只係留低兩張推薦名單，同埋叫佢哋投完票再打畀佢哋報數就可以。到底誰是誰非，讀者就要自行判斷喇，不過投票係不記名嘅，究竟選民有冇投到呢個組織推薦嘅候選人，邊個知道呢？
九龍東候選名單仲有胡志偉、陳鑑林、梁家傑、陶君行、黃洋達、謝偉俊、譚香文、嚴鳳至。