中環出更：邱德根三代 齊歎米芝蓮點心
位於中環蘭桂坊酒店一樓嘅高級粵菜「名人坊」，裝修的骰雅致，更有米芝蓮星級食府美譽，唔少名人都鍾意去幫襯。前日下午一點鐘，卓妮去嗰度食晏，咁啱遇到富豪邱德根同二仔邱達昌及細孫女邱詠麒（Josephine），同場仲有一位女士，齊歎靚茶兼一盅兩件。
Josephine全程貼身陪伴高齡爺爺，出入都攙扶住，認真有孝心。雖然邱德根行動唔係好方便，但精神非常好，佢柯打咗叉燒包等幾籠點心，仲叫咗煲仔菜，睇嚟胃口唔錯。唔知係咪因為Josephine讀番書嘅關係，飲唔慣中國茶，始終都要叫番杯汽水飲。佢哋飲咗一個鐘左右，然後一齊登上私人座駕離開。
