劉先生早前陪同年屆九十、患有血管性腦退化症的母親到東區醫院覆診，醫生表明不會再處方其母慣常服用的藥物「都可喜」，「佢哋話隻藥其實冇咩作用，但係媽咪已經食咗十幾年，有乜理由依家先話冇用？」
劉又稱，醫生拒絕處方有關藥物之後，並未有處方另一種藥物代替，不滿醫院處事「求其」，「佢哋話就話冇影響啫，但有咩事上嚟就太遲啦，我唔想媽咪唔認得我哋！」
東區醫院發言人解釋，病人於二○○二年確診患血管性腦退化症，現時並無特有治療方案可徹底根治，醫生遂處方藥物以紓緩病情，其中「都可喜」可促進腦部血液循環，屬輔助性藥物。
由於供應商已暫停生產此藥物，加上醫生考慮到病人精神狀況持續穩定，配合其他藥物治療下，相關症狀已受到控制，故未有再處方「都可喜」，強調有關安排不會影響病情，亦毋須轉用其他替代藥物。