街市正門擺雜物阻出入
街市正門充斥雜物，食物環境衞生署被指疏於執法！林太習慣每天早上八時前往沙田街市購物，惟每每需避開「一箱二箱」雜物才可內進。「朝早已經好多人，仲要擺晒啲箱出嚟阻住個門口，有時連後門都係咁，搞到去街市好似去戰場一樣！」林太指街市人多，雜物更多，擔心街坊容易因此跌倒受傷。
食環署發言人表示，接獲本報查詢後曾派員巡查，發現數個盛載蔬菜的發泡膠箱擺放街市正門行人路上，遂在有關物品上張貼「移走障礙物通知書」，飭令物主須在限期內移走有關物品，否則會將物品扣留，並依法處理。發言人指覆查時該批物品已被移走。
「我朝朝去街市都仲見到啲發泡膠箱，食環可唔可以勤力啲執法？」林太不滿政府部門經常「唔踢唔郁」，要求改善工作態度。