特首梁振英（CY）近排就埋頭苦幹諗招數為樓市降溫，連星期日都秘密開會諗計仔，但點解CY密密做，但民望仍然跌至上任後新低呢？行政會議成員羅范椒芬尋日就不點名批評，CY民望低，最衰就係「貪曾」禍延新政府，事關新政府一上台，就要接手處理上屆政府遺留落嚟嘅種種棘手問題，包括國民教育爭議，民望自然難以高開喇！
