貨尾爛居屋 房署拒維修

「個屋苑真係有好多問題，等升降機大堂焗到暈，新入伙冇耐又停水、又壞升降機，真激氣？」鄧先生早前購入油翠苑一單位，隨即發現問題多多，包括每層候升降機大堂均無通風口，翳焗如蒸籠，曾有保安在巡樓時暈倒，不滿樓宇設計不善，卻要居民承擔責任。「同油翠苑一齊入伙、一樣設計嘅油塘邨同高翔苑，房署一早就幫佢哋裝番活動窗，咁即係認同通風有問題啦，咁點解賣油翠苑畀我哋之前又唔整番好？」

油翠苑貨尾售前欠檢查

當區區議員謝淑珍亦稱，曾接獲不少油翠苑居民投訴上述問題，自一○年一月至今年五月，升降機便有二百八十五次損壞紀錄，「房署真係好唔負責任，小市民係真金白銀攞錢買樓，點都應該整番好先好賣畀人！」謝質疑房署出售貨尾單位前所作的檢查未夠全面及徹底，致令油翠苑出售未幾即問題叢生。

每層候升降機大堂均為固定窗，通風不足險焗暈街坊。	油翠苑入伙兩年來升降機頻壞，謝淑珍質疑房署交樓前未作完善保養。	油翠苑居民心聲 王先生：「（候升降機）大堂完全冇窗通風，我成日都焗到標晒汗。」

長時間擱置令設備老化

油翠苑管業處發言人接獲轉介後僅稱，屋苑屬已出售居屋，與私人屋苑無異，公契已訂明屋苑內任何公共地方的維修、保養或改善工程等費用及開支，均由屋苑營運之管理基金支付，有關改善工程亦須由業主決定。發言人續稱，屋苑在○二年落成，其後分別於○九年及一○年重售，房屋委員會在出售單位前，已為屋苑進行修繕和維修保養工程，確保質素達到合理標準。

蕭先生：「我直情試過喺一樓困升降機！啲升降機真係成日壞，都咪話唔驚！」

孔小姐：「等升降機嗰陣真係好焗，好多人都話覺得冇空氣，真係等耐啲升降機都頂唔順！」

香港專業教育學院（青衣）建造工程系首席講師黃漢平解釋，屋苑設施自落成後從未正式啟用，雖然仍屬「全新」，但長時間擱置會令設備老化，當再次啟用時運作便會出現問題，「如果一路用緊，都叫做有人監察住，但係擺咗咁耐都冇人用，水管會生銹，甚至壞咗都冇人知，升降機嘅道理亦係一樣！」黃指設施即使無人使用，亦要定期作頻密及全面檢查，倘難度不高，政府亦應盡快為各層候升降機大堂安裝活動窗，引入新鮮空氣以改善通風情況。

記者：阮佩君