中環出更：馮國綸夫婦孖公仔試衫
周末放假，有人拋開工作盡情歎，亦有人寓工作於娛樂。好似利豐有限公司集團主席、馮氏集團副主席馮國綸（William）咁，卓妮尋日喺中環ifc遇到佢同太太拖手仔行街，期間佢哋走入一間英國皇室御用西裝品牌公司試衫，呢間店係佢哋公司旗下代理嘅品牌。放假都不忘巡視業務一番，William真勤力。
尋日下午兩點幾，心口掛住副墨鏡、一身休閒夏裝嘅William同太太十指緊扣現身ifc，二人經過該店時，William決定走入去巡視一番。但係見William試咗套全黑嘅西裝，太太就喺身邊不時畀意見佢。
玩完試衫，兩夫婦去咗置地廣場嘅Cafe Landmark歎下午茶。身形一向圓潤嘅William食得好節制，兩公婆同享一件芝士蛋糕，你一啖我一啖恩愛到痹。但佢哋始終戒唔到都市人嘅通病，各自拎部手機出嚟猛o架，唔知係咪忙緊公事呢？