有人舉了一個很好的例子，說信任就如同一個一歲小孩的感覺，當你將他扔向天空的時候他會笑，因為他知道你會接住他，這就是信任。同樣，一張報紙，能夠贏得讀者長期的信任，就是它長期真誠建立的公信力，這種公信力，並不是靠吹噓作大，靠沒有了風月版，便令人相信它不會宣淫販賤！從此「改邪歸正」，變得「厚德載物」！
一向愛老作新聞嘅爛果報，最叻煽風點火，反中亂港；近作係老屈訪問一國兩制研究中心嘅報道，指政府有意開放新界北邊境禁區，容許內地人免簽證入境，又惟恐天下不亂，用上「割地賣港」字眼，圖挑中港仇恨！
實情係一國兩制研究中心從未建議「邊界特別發展區」讓內地居民免簽證，向來只建議「落地簽證」，而發展區的面積只有六、七平方公里，並非如爛果報所報道的「三億四千三百萬呎」！
歷史話畀我哋知，道德衞星高掛雲天嘅時代，常常係整個社會嘅道德水平讓人憂心嘅時代！證諸爛果報，又中！不是嗎？剛講到話要「從良」叫停風月版嘅爛果報，立刻又老作政府「割地賣港」，人哋嘅方案，明明係想平衡香港嘅南北發展，為新界居民提供工作機會，同時紓緩如火箭般上升嘅市區租金，用心正面，爛果報卻又發揮「陳健康」精神，加鹽加醋，譁眾取寵老作新聞之基因難改，反中亂港之死性已上腦入血，邊有得「從良」啊！有添加劑嘅食品害人健康，而有添加劑嘅爛果報，好極都只能係烏蠅嘅世界觀，即係邊度臭就向邊度鑽！