爸爸不辭而別 囝囝請假接機
「這幾天只能在電視機螢幕見到的父親……」首次參與保釣行動的盧松昌，此刻終於站在眼前。二十五歲的盧蔚然，昨日特意告假半天，親身去到機場迎接「保釣爸爸」。
六天前，盧松昌「不辭而別」，令家人憂心不已；今天他終安全返港，兩父子再聚一刻，雖沒有激情相擁，但一切已盡在不言中。登上旅遊巴後盧松昌更立即致電太太報平安。
和而不同 「我支持佢」
抵港後，盧松昌隨即被一眾記者包圍，早已到達機場的兒子盧蔚然，只能默默在外圍守候。記者會結束，盧蔚然終能走近父親，兩父子輕輕對望，盧松昌隨即跟身旁的兒子分享登島的一點一滴，「被日本防衞隊捉咗之後，各人獨立囚禁，佢哋要我簽遣返文件，我死都唔簽，最終佢哋都『放行』。我咁做唔係為咗出風頭，只是做覺得自己應該做嘅事。」
一個月前，盧松昌只在言談間向家人透露要去開保釣會，但一直隱瞞家人登島一事。直至本周日「啟豐二號」出了公海，他才致電家人代為請假。盧松昌昨日再揭出背後的另一「真相」，「其實我唔係特登瞞屋企人，嗰日跑緊步突然收到電話，話即刻出發，我都嚟唔切同佢哋講。」
對於父親的登島決定，身為兒子的盧蔚然雖不太認同，但仍表支持，「呢啲嘢唔應該由民間自己做，不過我都明老竇點解咁做，只要佢覺得應該做就做啦！我一定會支持佢！」
本報記者