「牆」形電箱阻街擾民

正街一帶現正進行興建自動扶梯工程，以連接第三街、高街及般咸道。不過，居民楊先生日前路過正街時，發現一座「超巨型電箱」竟豎立於店舖前方，更將在旁大廈門口、高逾十呎的範圍完全遮擋，居民出入皆無去路，「（電箱）仲高過層樓，成幅牆咁，住喺度嘅人點出入？」

圖則僅一米高 避提體積

記者了解期間，有街坊指巨型電箱阻擋空氣對流及視線，怒斥路政署未有諮詢，「當年起電梯係有做過諮詢，但個圖則冇講過個電箱係咁大個，如果知實反對！」該居民認為電箱遮擋出入會對居民造成不便，要求當局為電箱另選位置。

大廈地舖門口被巨型電箱完全遮擋。

巨型電箱被指空降於正街路中心，引起街坊不滿。

當區區議員李志恆證實接獲大量相關投訴，指上址自動扶梯工程雖曾進行地區諮詢，但展示的擬像圖並無註明電箱體積，而按繪圖比例計算，電箱只有約一米高，要求當局盡快就事件解釋及作出處理。

區議員李志恆	居民心聲 何先生：「個電箱設計好有問題，（路政署）一定要快啲移走佢！」	楊太：「咁大座嘢起喺度，阻街又阻風，係都整矮啲！」

路政署發言人指，扶手電梯工程曾於○八年進行諮詢，獲區議會支持下於○九年施工，預計於明年初完成。至於諮詢期曾否提及電箱體積及擺放位置等問題，發言人則未有回應，僅證實曾接獲投訴，並正研究優化措施。

減磅重置 浪費公帑時間

不過，李志恆日前再向本報透露，區議會接獲路政署來信，表示有關巨型電箱將會拆除，擬將體積削減作重置，並就事件重新諮詢。

「個諮詢好明顯有漏招啦！一係漏咗啲重要嘅細節冇講，一係就跳咗程序！」城大專業進修學院學術統籌宋立功認為上述工程對市民影響甚大，事前必須作全面諮詢，清楚解釋所有細節。

香港理工大學機械工程學系工程師盧覺強認為，巨型電箱興建後再拆除的做法反映諮詢程序粗疏而浪費時間、空間及公帑，「收到投訴竟可變番細，即係話本身整大咗，入面其實仲有好多空位！」

記者：何穎賢