特首梁振英（CY）尋日去完奧運代表團祝捷會後，講完體育發展後又講樓市，原來佢係留意到近日有關樓市升溫迹象嘅評論。CY話，政府會密切留意樓市情況，除咗中、長期措施，短期亦會多管齊下，包括增加土地供應，採取任何措施遏抑任何有可能出現嘅投機活動，並防止物業市場有過度信貸，增加市場透明度，確保樓市平穩發展，睇嚟CY對本港住屋問題都好上心。
