日前李鄭屋邨發生精神病母擲女嬰悲劇後，有報道引述社福界立法會議員張國柱「一直質疑」職業治療師同物理治療師係咪有足夠嘅訓練，點解可以跟進呢單悲劇，結果惹來職業治療師不滿。經過該業界連日來喺社交網站facebook留言「洗板」及要求，尋日阿柱就約埋呢班職業治療師三口六面講清楚。
香港職業治療學會日前發聲明強調，精神康復係職業治療師受訓嘅必修科，好多職業治療師亦喺精神康復團隊擔任重要角色，質疑阿柱嘅言論有誤導之嫌，亦有欠尊重。阿柱解釋，佢點敢質疑職業治療師嘅專業吖，當日只係想話唔掌握有關專業訓練，講到好似一場誤會咁。社福界候選人仲有陳義飛。