Party Life：新的一頁

外父送四億豪宅賀囡囡，新郎就花心思擺下世紀婚宴，夜晚喺會展筵開八十圍，畀新娘子一個驚喜。城中富商巨賈雲集齊飲喜酒，歡笑聲不絕。另一邊廂，一個西班牙時裝品牌進駐香港，開設亞洲首間專門店，品牌早前喺中環ifc新店舉行盛大雞尾酒會。

前商務及經濟發展局局長馬時亨肥仔不再，穿起修腰西裝，瀟灑有型。	永遠最美麗港姐朱玲玲十一月娶新抱，快將榮升奶奶級人馬。	恒基主席李兆基單拖赴喜宴，表現風騷鬼馬。
賭王四太梁安琪笑賀一對新人百年好合。	合和主席胡應湘（左）唔肯企定定影相，笑言：「又唔係我結婚。」太太胡郭秀萍都無佢符。	時裝品牌酒會 老公退下官場，前藝人張燊悅放下官太包袱，輕鬆去Party。
四洲集團太子女戴凱欣（右）孖埋電影人黃漪鈞揀番個靚手袋。	前港姐楊婉儀（左）將出書教英文，老公王瑞勳話好支持。