【本報訊】「點解ＢＢ會有事？係咪我害左ＢＢ？」產婦從醫生口中得知胎兒有問題，大多認為與自己有關，承受很大的心理壓力。伊利沙伯醫院前年設立的跨部門小組，除了照顧胎兒及產婦健康外，還會提供心理支援。
該院婦產科資深護師潘仲芬說，今年初曾有一名高齡產婦經人工受孕成功懷有第二胎，但在懷孕二十一周時，經產檢發現胎兒有先天性肺囊腫，即使幫胎兒抽取肺積水，肺腫脹情況也無改善，隨時會影響胎兒呼吸，嚴重更會死亡，「佢知道時好擔心，成日打嚟醫院電話問情況，應該點做好，仲有出去睇私家醫生，最後都決定要ＢＢ」。
該院婦產科遂幫胎兒進行人工引流手術，用微創手術將導管放入胎兒的肺，將肺積水引流到胎水，以減輕肺囊腫情況，現時情況穩定，估計胎兒可以支撐到出世。
潘仲芬說，產婦得知胎兒有問題，情緒表現得失控，「個個都會喊晒，係咁問點解，有啲仲覺得係自己問題，係咪自己食錯藥令ＢＢ有事，好多時佢哋都會心大心細唔知應該點做，特別是經人工受孕的高齡產婦」。因此，跨部門小組先安排資深護士與產婦分析風險，例如嬰兒出世後健康問題，家庭成員是否有能力照顧嬰兒等，當產婦決定繼續懷孕，即由資深護師與其他專科協調，分娩前為產婦提供適合的支援。