死忍唔如廁 舉家當街沖涼
【本報訊】斷水的五幢大廈均「年事已高」，沒有鹹水供應，沖廁均用食水，在酷熱天氣下，住客除要「撲水」沖涼外，亦要搵水沖廁，以免全屋臭氣熏天。住客均想盡辦法慳水，有人索性當街沖涼，亦有人盡量少飲水，減少去廁所次數。
「一日起碼走卅轉」
謝小姐表示，她與胞姊及父母同住，由於父母年紀老邁，取水「重任」落於姊妹二人身上。她稱家人均需大小二便，無水沖廁會引起衞生問題，「最大問題係沖廁！依家我哋盡量唔去咁多廁所啦！」另一住客黃小姐亦指如廁最不方便，「沖涼都話可以去體育館！依家拎水都係用嚟沖廁為主」。
許太為慳水將碗碟拿往街喉清洗，又忙於為家人取水沖涼，「一日起碼走成卅轉呀！拎水拎到腰骨都痛呀！」住客黃先生更帶同兩名兒子往街喉沖涼，他不滿稱：「依家連食飯都焗住要出街啦！」
隨同外傭到街喉輪水的黃姓小妹妹，希望盡快恢復供水，她語帶埋怨表示：「好重呀！點解飲水都咁辛苦o架！」