店舖貨物霸路無王管
「咁大張床褥就咁打直放晒喺條路度賣，次次行過都驚突然拍落嚟砸親人！」李先生不時行經深水埗元州街，發現上址店舖長期佔用行人路擺賣貨品。李指有關情況已持續多時，擔心非法擺賣已成「慣例」，不滿食物環境衞生署遲遲未有執法，「如果間間舖都有樣學樣，條街仲使行嘅，簡直無王管！」
食環署發言人稱，接獲本報轉介後已派員巡查，發現店舖將小量貨物放於行人路上，但認為未有對途人造成阻礙，經勸喻後店舖負責人已將物品移走。過去一年，該署共接獲三宗有關上址一帶店舖的阻街投訴，期間並無作出檢控。
「淨係勸喻唔檢控，邊有阻嚇力？難怪依家仲見到佢哋擺晒啲貨出嚟啦！」李先生直指阻街情況毫無改善，指食環署處理手法變相縱容店舖佔用行人路，要求加強檢控。