探射燈：肉眼難辨 即點即劏先穩陣

餐廳負責人徐蒝稱，新鮮雞和冰鮮雞外觀上無大分別，很難憑肉眼分辨：「要將兩隻雞並排，先睇得出新鮮雞較有光澤，冰鮮雞就較軟身，但分開單獨睇，好難睇得出。」至於味道方面，她指新鮮雞肉質較有彈性，肉味較濃；而冰鮮雞的肉味明顯較淡。另外，雞肉味道及肉質亦會受飼料及烹調方法影響。

冇內臟 有可疑

而名廚周中則建議市民光顧有牌新鮮雞檔，才可有保證。他說：「新鮮雞檔依家好少，去買雞記住企喺度睇佢劏，唔好行開，咁隻雞就一定新鮮，唔會有機會被人偷龍轉鳳。」他又說，新鮮雞一般附送內臟，若無內臟則有可疑。