私家車獨霸三鐵騎位 警方竟指「冇發現」
一部私家車佔用三個電單車位，警方竟指「冇發現」！李先生指出，黃竹坑業發街球場旁設有多個電單車位，每逢假日下午均被私家車佔用，不滿從未見有人執法，「話就話條路唔算多車，但都冇理由一架私家車泊三個電單車位，咁人哋啲電單車泊去邊？」李直指相關情況已非首次發生，要求警方嚴肅處理，「咁唔公平嘅事冇理由縱容，（警方）應該喺假日勤力啲去巡啦！」
不過，警方發言人卻稱，接獲轉介後已派員到場調查，惟未有發現上址有車輛違例佔用電單車車位。發言人稱，會密切關注上址情況，並根據「靈活執行交通法例政策」向違例停泊的車輛採取適當行動，如市民再發現上址有車輛違泊，可致電當區警署值日官舉報，會即時派員處理。