香港仔街市靠風扇熱死
「呢度應該係全港最熱嘅市政大廈！依家天時暑熱，入面又冇冷氣，淨係得把風扇，行入去一陣已經焗到暈暈哋！」香港仔街市一直不設空調，街坊周小姐對此深表不滿，直指場內儼如焗爐，擔心食物如新鮮肉類及水果等會容易變壞。
食物環境衞生署發言人表示，上述街市於一九八三年落成，原有建築設計並無空調，亦無預留配套設施供日後加裝，倘要加設，租戶須承擔日後冷氣費及在施工期間可能受影響而停業或遷出。該署曾向租戶進行諮詢，結果支持率不足百分之八十五，故按既定政策未能作加裝安排。發言人又稱，街市租戶須自行設置適當的設備，妥善存放容易變壞的食物。
全港公共街市販商大聯盟主席黃齊偉卻怒斥食環署解釋不合理，「本身設計有問題，仲要租戶同市民負擔加裝費，點講得過去？」黃齊偉指街市既屬公營事業，政府有責任提供良好營商環境，建議拆卸舊有街市大廈重建，以滿足現時社會需求。