違泊擋視線易生車禍
「呢度有好多學校，朝朝都有好多校車，但咁多貨車同私家車泊晒喺度，搞到完全睇唔到有咩車駛過嚟！」居於屯門大興花園的陳先生指出，河旺街一帶違例泊車情況嚴重，違泊車輛經常阻擋行人視線。陳於去年初亦因此遇上交通意外，至今仍需坐輪椅出入，並定時往醫院覆診，「我個女喺附近返學，好擔心佢同其他小朋友好似我咁畀車撞倒！」
警方發言人證實，去年屯門警署共接獲六宗上址的違例泊車投訴，並已即時派員到場執法。發言人表示，將到上址加強巡邏及特別留意有關情況，採取適當行動，以確保道路使用者安全。
「我平時經過呢度都唔多見有警察巡邏，希望除咗執法，政府都可以諗下改善道路設計，咁先解決到問題！」陳先生要求當局關注上址違泊問題，並建議增設斑馬線等道路設施，以保障行人及駕駛者安全。