食署告示錯字 教壞人
「准」、「準」不分，食物環境衞生署告示出現錯別字，被指「教壞細路」！劉先生發現，新田公廁外告示板寫有「不准棄置報紙於廁盆」字句，但「不准」卻寫成「不準」，質疑該署處事草率，未有覆核告示板內容，「連幼稚園都知道係『不准』，咁都寫錯，政府部門真係好冇面！」
食環署發言人承認出錯，接獲本報轉介後已即時安排更正。
「我睇《東方》都見過有其他部門會將『辦公室』寫成『辦工室』，以前啲政府部門都唔會有咁多錯字，點解依家變成咁？」劉先生直言過往亦不時從本報報道中得悉政府部門錯字百出，擔心政府帶頭令本港中文水平下降，認為當局要認真檢討。