港鐵特惠站偏僻兼隱蔽
「個優惠機擺得咁隱蔽，都唔知係咪真係有心畀優惠！」青衣居民林太發現，各區的「港鐵特惠站」大多設於遠離港鐵站偏僻位置，並非當區「地頭蟲」根本無法知悉及使用，「好似青衣咁，個機係擺喺長發商場入面一個隱蔽位，唔熟路真係冇可能搵到！」
港鐵發言人解釋，「港鐵特惠站」屬該公司推廣計劃之一，藉以擴大客源，目的為鼓勵使用其他交通工具的市民，可選擇步行至最近的港鐵站乘搭港鐵。
至於特惠站之選址條件，一般會設於距離港鐵車站約五百米，同時亦會考慮能否吸引新乘客，以及是否有其他接駁公共交通工具提供折扣優惠往港鐵站等。
林太坦言對於港鐵回覆大感憤怒，直斥港鐵為求「賺到盡」而罔顧市民利益，「講到尾原來都係為賺錢，真係好失望！」林太又要求港鐵檢討有關優惠計劃，並建議將優惠機應設於售票機附近，以示提供優惠誠意。