問責官員外訪慣常都會事前發出新聞稿公布，又會刊登憲報公布署任安排，但上任不足一個月嘅教育局局長吳克儉就突然打破慣例，喺本周二秘密訪京同國家教育部部長袁貴仁見面，最離譜嘅係連駐京辦都唔知頭唔知路，初時話無收到通知，又唔知吳局長曾到過北京，但夜晚又話知情，仲被國家教育部官方網頁報道間接踢爆呢次會面。教育局發言人事後解釋，吳克儉此行只係禮節性訪問國家教育部，又話選擇中學文憑試放榜日前訪京，係因為之後有好多跟進工作喎。
