政情：梁太執筆大爆選舉趣事

話說競選期間，梁太同CY一樣都忙到日夜顛倒，CY忙競選，梁太自然就係忙住照顧丈夫同家庭啦！梁太透露喺競選初期，佢第一次叫家傭將靚湯送上競選辦公室，明明已經寫清楚係由梁太送上，點知競選辦職員仍然再三致電畀佢核實，令佢大惑不解。

原來競選期間，唔少市民都會用各種名義送嘢上競選辦畀CY，由於競選期間候選人唔可以立亂收禮物，所以競選辦職員每次收嘢都會分外小心。梁太又透露，競選期間遇上唔少風風雨雨，原來有素未謀面嘅陌生人借出辟邪之物，畀佢哋鎮壓邪氣喎，不過，原來呢一切CY都係唔知情o架，梁太果然關心丈夫，真係冇得頂！