香港教育學院語言資訊科學研究中心繼早前公布咗香港回歸十五年內嘅南下詞語後，尋日又公布十個最有代表性同使用率最高嘅香港北上詞語，包括訴求、問責、解讀、減持、雙贏、追捧、爆冷、操控、惡搞及智庫。
當中以經濟及政治詞語較多，部分詞語源自台灣，再傳入香港及內地，反映海峽兩岸三地詞語文化相互融合及影響嘅特點。
不過，有啲北上詞語未能取代內地原有嘅詞語，好似「咪嘴」（內地稱「假唱」）、「o靚模」（內地稱「嫩模」）、「寬頻」（內地稱「寬帶」）、「數碼」（內地稱「數位」）等。教院語言資訊科學研究中心總監鄒嘉彥話，香港詞語北上嘅高峰期喺九九至○○年之間，主要因為香港回歸後，內地對香港事物深感興趣，透過媒體廣泛報道，於是出現一批北上詞語。