政情：大舞台：長毛踢爆陳茂波 違規發問

特首梁振英（CY）尋日首次出席立法會答問大會，盛傳將會擔任財政司副司長嘅會計界議員陳茂波，提問完港商在內地經營困難後，喺補充質詢時又多問一條關於香港加入東盟嘅問題。

正當CY回答之際，社民連議員梁國雄（長毛）就起身大聲打斷CY發言，質疑陳茂波提出咗兩個問題，違反每個議員只能發問一條問題嘅規定。主席曾鈺成最後裁決，取消陳茂波嘅補充質詢。