中環出更：賢慧姊妹爭睹愛的鑽飾
九月快將出嫁嘅青聯賢慧社副秘書長兼Bee's Diamonds太子女吳嘉汶（Rendy），與未來老公王欣浩（Alan）為紀念結婚之喜而聯手設計嘅「Alren」古董系列鑽飾，早前喺公司舉行預展，貪靚嘅賢慧社一眾好姊妹都爭相先睹為快。
上周末，賢慧社副秘書長王麗文（Liza）特登抽空同賢慧社姊妹莊杏瑩一齊去撐場，靚女們一見到充滿浪漫古典美嘅飾物就當堂失控，即刻穿戴過吓癮！預展為期多日，好多城中靚女去撐場，唔少人被Rendy以愛的故事打造出來嘅鑽飾打動，大破慳囊將之據為己有。
吳嘉汶婚前最後作品展
Rendy話，今次係佢結婚前最後一次作品展，之後會帶到巴黎及台灣出售畀珠寶店。由於佢同男友喺今年拉埋天窗，所以借一二年呢個年份來推出十二件鑽飾，每一款都融入佢哋十五年來難忘嘅足迹及人生體驗，款款僅此一件，獨一無二o架。