巴士乘客「晾腳」車長懶理
「個女乘客除咗對鞋飛象過河，將對腳擺放喺對面個位，我好聲好氣叫佢放番對腳落嚟，點知仲畀佢鬧！」潘先生早前於沙田新城市廣場乘搭E42機場巴士，登車後發現有乘客一人佔用兩個座位，勸喻對方自律不果，但車長卻全程未有干預。
龍運巴士發言人強調，巴士車廂下層「相對座」位置附近已貼有標語，建議乘客勿將雙腳置於對面座椅，強調保持車廂良好的乘車環境實有賴乘客自律，倘乘客發現車廂內任何人作出的行為影響其他乘客，應該將詳情轉告給車長，交由車長處理。
「今次情況就正正反映貼標語冇用，巴士公司真要諗諗其他方法防止乘客咁做！」潘先生認為乘客自律當然重要，但巴士公司亦有責任加強宣傳，保障乘客能享舒適愉快旅程，不受其他乘客影響。