金融管理局前總裁任志剛（任總）早前撰文建議港府檢討聯繫匯率，結果搞到滿城風雨，事後港府財金官員要即刻出來「撲火」，真係多得佢唔少。
任總尋日出席活動時澄清，自己並非覺得制度有問題，純粹係想市場有討論喎，之後又突然話鋒一轉，主動表態支持特首梁振英嘅新政府，話作為一個市民，雖然有時理念唔同，但都應該畀梁班子一啲空間、信心同支持喎！
