做咗一個星期唔夠嘅行政會議召集人林煥光（WK），今日會宣布係咪辭去召集人一職。行會成員胡紅玉、陳智思等成員逐一開聲力撐WK留任後，另一成員張志剛尋日亦大讚WK係一個思路清晰、性格平和及經驗豐富嘅人，又話好多政府官員同社會賢達都希望WK留任。佢仲話，現任運輸及房屋局局長張炳良當年都同時擔任行會成員及消委會主席，希望WK唔好因為社會上少數人意見而放棄行會，又話如果WK真係辭任行會，將會嚴重影響行會同政府嘅公信力。
