一直傳聞話會挑戰佢嘅新論壇召集人馬逢國，據聞近日動作多多，包括借用新論壇嘅辦公室進行備選工程，就連職員都借埋過去幫手，備選工作如火如荼，咁認真，睇嚟Tim霍今次要打一場硬仗。
另一有變動嘅係中華總商會嘅商界（二）議席，中總會長蔡冠深話，其實四年前已經想廖長江頂替黃宜弘個位，只係由於廖有家庭問題，先叫黃宜弘頂多四年。
蔡冠深暗踩黃宜弘？
不過，蔡冠深似乎對廖長江好大期望，話相信佢接棒後會勤力開會，對市民有所交代喎，莫非想暗示黃宜弘係大懶蟲？我哋再問佢點評價黃宜弘嘅表現，佢即刻笑笑口話唔評論，咁大家知咩事啦。