政圈對現年五十五歲嘅彭清華一啲都唔陌生，○三年七一遊行後，彭清華喺○三年年底獲調派來港，以四十六歲之齡成為當時最年輕嘅中聯辦副主任。及後佢喺○七年中共十七大後當選為中共中央委員，至○九年接替高祀仁「坐正」中聯辦主任職務，仕途一片光明，終於喺三年後嘅今日再傳出升官。
李剛擬接棒中聯辦
至於由邊個接任中聯辦主任之位，最近盛傳現任中聯辦副主任李剛有機會再上一層樓。其實「空穴來風，未必無因」，因國家領導人七一當日離港返回北京，就係由李剛身負重任，喺機場停機坪負責總結領導人訪港行程嘅亮點，究竟李剛嘅「下一站」係咪如傳聞所言，相信遲啲就自有分曉。