東涌海面垃圾冇人清理
大嶼山東涌至赤鱲角機場一帶海面常有大量垃圾漂浮，不但有礙市容，更影響船隻航行。張先生指出，踏入夏季常發現有大量垃圾於海上載浮載沉，包括木方、膠袋等，擔心一旦有垃圾捲入引擎或出意外，要求海事處加派人手清理，「年年夏天都係咁，但又唔見有人定期嚟撈垃圾！」
經本報轉介後，海事處發言人隨即表示已派員現場視察，並要求承辦商清理海上及碼頭一帶的海面垃圾。
「海事處應該繼續留意呢啲垃圾喺邊度沖嚟同定期清理！」離島區區議會鄧家彪指，海事處及民政事務處一向將焦點集中於大澳以及長洲避風塘一帶的海上垃圾，東涌對出海面垃圾問題卻被忽略，要求海事處積極跟進。