歐國盃：商機無限癲埋今晚
四年一度的歐洲國家盃今晚深宵上演終極決戰，由西班牙及意大利爭奪冠軍，碰巧明日是公眾假期，勢必掀起全城不夜天睇波狂潮。本港多個商場都會舉辦睇波活動，力求谷盡人流，食肆方面，由名牌大酒樓到屋邨茶餐廳全都加入搶客戰，有酒吧老闆更坦言今次「唔夠茶餐廳爭」，在這歐國盃的最後一夜，球場內踢得燦爛，而場外各大食肆、商場、夜場，全都在今晚「決一死戰」。
商場不夜天 帶旺百業
全港多個大型商場包括觀塘apm、屯門市廣場、奧海城等，今晚都會直播歐洲國家盃決賽，apm更舉行馬拉松式嘉年華會，請來人氣偶像周秀娜及MC Jin親臨打氣，實行將足球氣氛推至最高峰。apm商場預料整個歐國盃期間，人流達760萬人次，較去年上勁升13%，生意額達2.2億，較去年升約17%。
新鴻基地產代理有限公司租務總經理馮秀炎表示，由於顧客延長逗留時間至夜間繼續於商場睇波，同時帶動餐飲行業、影音及運動用品，餐飲生意升約一成，運動用品方面生意升約一成，而影音電子產品方面，購買高清電視的顧客升約兩成。
睇波現商機，不少食肆及卡拉OK都趁機分一杯羹，Newway執行董事溫國樑表示，歐國盃期間生意增加一至兩成，今晚決賽睇波時段，部分旺區的分店早已經訂位至滿座。
茶餐廳搶客 酒吧叫苦
至於港人最喜歡一邊食火鍋一邊觀看球賽，大角咀杉樹街骨煲皇副店長馬寶星表示，決賽訂位已有四成滿，由於屆時將有不少Walk In客，她預計最終都會爆滿，暫時生意額已比平時多三成，而一間深水埗的小型茶樓，由於安裝了收費電視，每晚有直播的時段最低消費60元，但一樣座無虛席。
不過，食肆風光背後，不少酒吧卻叫苦連天，灣仔利景酒店地庫餐廳酒吧Champ's經理Kenny表示，由於歐國盃賽事集中在周中，不少球迷均要上班，所以生意額一般，即使兩場準決賽都未爆滿，他坦言：「我屋企樓下間茶餐廳仲好生意過酒吧。」幸好決賽翌日是公眾假期，酒吧180元包兩杯飲品的睇波套餐已經爆滿，總算叫做「標尾會」。
意大利波衫 極速掃光
除食肆外，最直接受惠的當然是球衣店，旺角球衣精品店自由球負責人何先生表示，由於意大利賽前不被睇好，加上贊助商並非兩大名牌，故市面貨源較少，但意軍愈戰愈勇殺入決賽，令其球衣突然渴市，價錢搶貴到逾六百元仍被球迷掃光，至於最受歡迎的球衣印字當然是前鋒巴洛迪利。反而另一支決賽隊伍西班牙的因大熱門關係，不少球迷早已購買，故如今銷情只屬正常。