被全城唾棄嘅貪曾尋日卸任前最後一日，都要用盡公家資源，喺港台節目中自吹自擂講任內政績，但最終都承認自己始終無法擺脫貧富懸殊及化解社會怨氣，佢又引用已故歌手羅文嘅名曲《幾許風雨》，話自己見慣風雨同改變，盡視作自然喎，難為市民七年來處於水深火熱。
其實由藝人盧海鵬主唱嘅改編歌《幾許瘋語》先最適合貪曾，特別有幾句歌詞最啱無家可歸嘅佢，就係「瞓吓街邊，瞓吓公廁，盡視作自然！」
