食環車輛違泊 知法犯法
禁區地帶公然違泊，食物環境衞生署被指知法犯法！「一次半次就當冇位泊車逼住違規，但我已經好幾次見到食環架車泊咗禁區，有時仲會拍喺『之』字線，部門知法犯法市民點會服！」羅先生坦言不時在紅磡戴亞街發現食環署車輛泊於「不准停車」限制區，不滿食環署公然罔顧法紀。
食環署發言人證實，有關車輛曾在上址附近接載食環署職員執行職務。政府就駕駛政府車輛有常規規定，無論任何時候，政府車輛司機均須遵守所有現行交通規例及小心駕駛，一旦發現司機違反交通規例，食環署將按既定程序處理。
九龍城區議會交通及運輸事務委員會主席李蓮批評食環署管理不善，要求加強對司機監管，「食環署一定要加強對轄下司機嘅監管，要佢哋遵守交通規則，唔係市民就會以為政府可以公然犯法！」李蓮指稍後將要求警方加強執法，檢控違規司機。