頌富商場翻新冇啖好食

頌富商場為區內主要消閒場所，服務天頌苑、天富苑、天華邨等五個屋邨居民，人數約八至十萬。頌富商場一期二樓本有近二十間商舖，包括五間食肆。不過，商舖自去年底開始紛紛結業，僅剩一間連鎖食肆，連同其他樓層在內，整個一期商場只有四間食肆。梁先生坦言不滿食肆數目驟減，「無啦啦執晒二樓啲舖，地下個街市又執埋，想好好哋食餐飯都難！」除商場二樓驟變「死城」外，地下亦只剩數間店舖，其餘位置則全數遭圍封。

「想買杯鴛鴦都難」

「天水圍係全港最窮嘅地區之一，但係物價就冠絕十八區！依家食肆少咗，舖租又係咁加，搞到食飯愈嚟愈貴！」元朗區區議員周永勤指出，天水圍區內大部分食肆及街市均為領匯旗下管轄，市民只能「肉隨砧板上」，建議政府引入熟食街市，令食肆選擇更多元化，「依家成個天水圍都冇一個食環署嘅街市同熟食中心，政府認真要考慮吓，唔好再令市民捱貴飯！」

二樓商舖門可羅雀，與一樓的熱鬧情景成強烈對比。	居民黃小姐：呢個始終都係屋邨商場，領匯要照顧番街坊需要，一次過執晒咁多間餐廳，真係少咗好多選擇！	居民林先生(左二)：領匯每次裝修完商場啲嘢都會貴咗，以前呢度有間文具舖，依家冇咗，想買支筆都買唔到！

領匯監察發言人陳寶瑩坦言於天水圍「想買杯鴛鴦都難」，頌富商場食肆數量大減更令情況雪上加霜，批評領匯未有考慮居民需要，「天水圍已經冇乜商場，依家一次過執咁多間舖，人流就谷晒去剩低嘅舖頭，營業額高咗又大條道理加租！」

團體炮轟漠視需要

陳亦質疑有關工程所需時間過長，「舊年年底已經開始封，翻新一層商場係咪要咁耐？領匯做工程唔可以淨係方便自己，當居民冇到！」

公屋聯會主席王坤則批評領匯近年翻新屋邨商場僅片面提升形象，做法本末倒置，「以前房署年代唔會有呢啲事發生，為咗搞靚個商場唔理居民需要，成個觀念錯晒！」

領匯發言人指出，頌富商場現正進行優化工程，以提升購物環境及引入多元化商舖，增加消費選擇。商場一期二樓範圍今年四月開始工程，預計明年第三季完工；一期地下工程範圍則預計於今年下半年重開。

記者：陳倩儀