兩名非常考生 感人摘A故事
踏入大學校園成為天之驕子，素來都是莘莘學子追尋的終極夢想，要跨越高級程度會考這道門檻，考生多少年來埋頭苦幹挑燈夜讀，能夠脫穎而出並非偶然，成功者必靠認清目標，無懼艱辛，勇往直前。即使身體或有殘缺，亦無礙考生力爭上游的決心，聽障、失明並非阻力，憑着無窮毅力，一樣可衝破難關實現夢想。高考雖然曲終人散，但考生的無比意志將繼續傳承下去。
嚴重弱聽的應屆高考生彭思齊，根本無法聽到高音及英語尾音部分，初中三年英文科一直「肥佬」，每年只透過勉強「試升」蒙混過關，要圓大學夢恍如非常挑戰。惟她一於「唔怕醜」，求助老師同學，猛讀猛寫，高考一關勇奪2A1C1E佳績，完成非常任務。另有失明考生黃嘉濠每天揹上如四五本字典厚的凸字課本回校，導致肌肉疲勞，要用風濕貼止痛。求學經歷教曉他們迎難而上的大道理。
初中英文差 聽不到S音
就讀中華基督教會基元中學的思齊接受訪問時坦言，自小患有感音性弱聽，「初中唔鍾意讀書，覺得自己係弱聽，聽唔到英文尾音和S音，有藉口畀自己讀得唔好，上堂老師叫我做東，我就做西」，加上聽障缺陷，英文科成為升學最大障礙。
直至接觸信仰，以及獲家人支持，令思齊頓然覺悟，明白人生要有夢想，便立志努力向上，申請重讀中三，以升讀大學地理系為目標。思齊預科修讀中文、英文、世界歷史及地理，中文及世史科最終奪A，實在得來不易。「我讀書比一般人吃力，好似世史咁，起初老師講，我哋抄筆記，但我成日聽唔到抄唔切，世史首次考試只得廿九分，考包尾，老師一度叫我退修」。
思齊誓不言退，更設法克服障礙，包括先胡亂抄在白紙上，回家再抄寫整理，但仍發現抄寫速度太慢，改用相機拍下同學筆記才抄寫。此外，她又靠多閱讀同學的論文和參考範文，終尋找到合適的讀書策略，在中七首次取得世史合格成績，高考終奪A成功。
重感冒上陣 仍奮力疾書
至於「弱項」英文科，她歸功於自己「唔怕醜」的性格，「我畀啲文章老師，叫老師讀畀我聽，自己就靠多讀多寫」，高考獲合格成績。
馬鞍山聖若瑟中學考生黃嘉濠，自兩歲起因眼腫瘤而失明，但從不氣餒，每天揹負四五本字典大小的「凸字課本」回校學習，雙肩及腰部長期肌肉疲勞，惟有使用「風濕貼」止痛。迎戰高考世史科時患重感冒，已打定輸數，但在試場疾筆至最後一刻，最後摘A而回！他立志成為社工，以個人經歷感動別人，更鼓勵失明人士走出一己世界，追尋夢想。
記者李寶怡、林建斌