亞視職藝員回應

‧藝員朱慧珊：「身為員工，唔理老闆同CEO係邊個，只要將亞視搞好，畀到一班台前幕後有信心，就得o架嘞！我喺亞視咁多年，覺得上下員工都好專業。」

‧藝員筱靖：「啱啱做完台慶，大家上下一心，對電視台都好有希望，若唔准王征同盛品儒管亞視，當然唔係好消息，王征係一個好有心機做好亞視嘅人，睇佢呢幾年都好努力，而盛品儒為人nice，亦好努力去做好亞視。」

‧藝員陳啟泰：「對呢件事，好難畀到意見，平時同高層、王征等好少接觸。我唔擔心亞視換新老細，因為見得太多，希望可以大事化小。」

‧藝員顏子菲：「以藝人身份嚟講，唔能夠擔心咁多，希望公司可以大步檻過。呢啲事公司管理層會處理，我對佢哋有信心。」

‧藝員秦啟維︰「喺北京做台慶嗰陣都有見到王（征）生，喺香港就少見啦！不過，我唔覺得（亞視）有咩重大變化，今（昨）日都照返嚟做節目，一切如常。」