隨街泊單車籃淪垃圾桶
「明明係行人路，點解長期畀人用咗嚟擺單車都冇人理？」大埔居民林先生指出，區內如運頭街一帶有不少單車長期未獲清理，當中更不乏廢棄已久，不少單車籃更淪為垃圾桶，嚴重影響環境衞生。
民政事務總署發言人指出，政府一直關注上述問題，該署除繼續與相關部門緊密合作外，並同時透過宣傳和教育，令區內居民自律，以免對行人及交通造成不便。發言人又說，該署將聯絡大埔地政處、食物環境衞生署及大埔警署採取聯合行動，清理違例擺放單車。
「投訴咗先至有改善，可唔可以唔好次次都等到有人投訴先做嘢？」林先生指經本報反映後，有關情況明顯有所改善，「希望執法嘅部門做多啲聯合行動，畀番個乾乾淨淨嘅環境嚟！」