園丁修樹大開殺戒離譜
健康小樹苗突變光禿禿，市民不滿康樂及文化事務署「大開殺戒」！卓小姐早前途經九龍公園，驚現「衞生教育展覽及資料中心」外有園丁正大刀闊斧修剪樹枝，「剪出嚟嘅分分鐘仲多過剩番嘅，使唔使剪咁多呀？嗰幾棵只不過係樹仔，又影響唔到途人，簡直係離晒大譜！」
康文署發言人承認，該公園職員早前進行檢查時，發現上址一排十棵的黃槐樹出現頗多枯枝，加上處於當風位置，故須於風季來臨前進行修剪。不過，發言人又承認，完成修剪工作後進行覆檢，發現修剪幅度較一般大，但強調幅度對該些樹木的健康及生長並無造成影響，至於日後則會加強督導工作，確保修剪幅度適中。
長春社總監蘇國賢狠批康文署做法既不專業、亦不合理，「修剪樹木一般都唔可能剪多過四分一，因為樹葉係樹木製造食物嘅部分，剪得太多一定會影響生長！」蘇要求康文署在修樹前，必須確保員工清楚相關指引，以免有更多不幸的「受害者」出現。