九巴飛站事件不斷發生，引起乘客不滿！陸先生早前於葵涌運動場等候九巴68A線前往朗屏，惟當巴士駛近車站時竟未有停站上客，「架車未滿座就駛走咗，當正企喺度等車嘅人冇到！」陸最終需乘搭另一線巴士、再轉乘輕鐵接駁巴士回家。無獨有偶，郭先生日前於天水圍賞湖居等候264M線往天恩邨時，巴士亦告「飛站」，「之前試過好多次，向九巴投訴過，佢哋連一句解釋都冇！」
九巴發言人表示，已提醒有關車長，日後必須時刻留意站內乘客候車情況，若車廂並未客滿及未有展示滿座訊息，則須於指定站位接載乘客，該公司會監察有關車長的駕駛及服務態度，倘發現有不當之處，將給予指導和採取紀律處分。
「呢頭講完會關注，嗰頭又係飛站！」郭先生直指「飛站」問題仍未改善，質疑九巴未有認真檢討問題。陸先生則不滿九巴未有解釋「飛站」原因，「淨係話會訓示車長，都冇解釋點解發生咁嘅事！」