近日各黨派都就候任特首梁振英（CY）山頂大宅僭建窮追猛打「抽水」，有份參選特首嘅民主黨主席何俊仁，就要求CY喺今日五點前回覆佢嘅十二條質詢，否則會提出選舉呈請或者司法覆核喎。唔識嘅畀佢嚇親，識嘢嘅就畀佢笑死，港大法律學院副教授張達明尋日喺電台節目上話，無論選舉呈請定係司法覆核嘅難度都好高，一來選舉呈請期限已過，二來提司法覆核都唔知覆核邊個，事關做行政決定嘅係選舉主任而唔係CY，但選舉主任又無做錯喎，咁究竟可以覆核啲乜嘢呢？
