曾經身為唐英年競選辦主席嘅李國寶，眼見梁振英（CY）因住宅僭建一事而捱批，即刻加把口抽水話僭建一呎都係錯，講到咁義正詞嚴，但佢好似唔記得咗自己山頂白加道間豪宅都有僭建。李國寶間豪宅被本報踢爆僭建成千呎天台屋，原來係興建咗年幾都無清拆，簡直目無法紀，直至最近先至知衰跟進，如今佢反而批評CY僭建犯錯，真係有口話人無口話自己。
