歐國盃:三獅兵被淘汰2,000萬球迷心碎

【本報綜合報道】英格蘭再次互射12碼失利,令到近2千萬名三獅球迷感到沮喪。在歐國盃之前英格蘭已傳出唔少不利消息,尤其是傷兵問題,然而球隊於小組表現有驚喜,更以首名資格打入淘汰賽階段,令不少球迷都對英軍重拾信心,故8強對戰意大利期間,有大量球迷湧到各大廣場及公用場地,透過大銀幕睇波兼打氣。無奈英格蘭踢法被動,加上長久以來都未能逃出互射12碼不勝「怪圈」,全場120分鐘令英迷心情如坐過山車,由希望頓變成失望。

另方面,經過分組賽之後,有大約2萬名英迷有意到達比賽現場,親身為英格蘭吶喊助威。可惜英格蘭如今要提早執包袱,球迷當然紛紛取消行程。就今次歐國盃,英格蘭確實刺激起當地零售業,除小食及酒精類飲品需求大增外,連同女性性感內衣都錄得大幅增長。

據網購公司發言人表示,男士因沉迷大型足球賽事而對女伴變得冷淡,後者為重新吸引男伴眼球,故在比賽期間會購入新款性感內衣,亦使相關產品銷量增幅接近40%。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報